الأربعاء، 11 مايو 2011

مراتي ..ولا هيفاء وهبي؟










مراتي ..ولا هيفاء وهبي؟

 بقلم أميره

انتوا معايا ياجماعة ان الرجالة انانين ولا لأ وخصوصا زمانا ده

ااقدر ااقولكم ان اغلب الرجالة اللي بيتفرجوا على الفضائيات وماأدراك مالفضائيات

واللي بتسرسبه (قصدي بترشه)علينا من الفاتنات الرشيقات الجميلات الدلوعات أمثال(اليسا صاحبة اكبر رقم قياسي

 في وزن السليكون في صدرها  وهيفاء الفيحاء الفرعاء صاحبة الوسط اللي محيطة 3 ميلمميتر ونانسي عجرم القطقوطة الننوسة

 الفسفوسة )اغلب الرجالة بيقارن بين مراته الغلبانة اللي قاعدة تربي العيال وبين الفاتنات دول والله حرام

اعرف راجل من قرايبنا ماسك مراته في الرايحة والجاية ...شفتي الستات اهي دي الستات ولا بلاش ستتات تحل من على المشنقة

بصي لنفسك في المراية خسي شوية وبطلي اكل محشي

اه لو الواحد كان معاه فلوس كان جدد شبابه مع مذه صغيره(تجدد ايه بس هيا رخصة عربية)

ياراجل يامعفن واالله انت حق ربنا تتقطع وتتشفى وتتحط في 3 اكياس كبار واحد لونه اسود والتاني بقا اسود والتالت برضه اسود

بس لما تتقطع يبقى مش بالساطور ..انصح كل زوجة بأصافة الضوافر حته حته من غير بنج عشان يتعذب على اصوله



يعني كل راجل بيذل مراته بشكلها اللي اتغير بعد الهم والغم اللي شايفاه بسلامتها على ايديه

يعني من كتر ياخويا مانت مهنيها اوي ..مانت مشغلها في البيت ولا الخدامة وموريها المر

يعني في الرايحة والجاية تقولها ماتعملي شعرك عند الكوافير وتغيري لونه هوا انتي مش شايفة الستات عاملين ازاي

تقوله هات ياحبيبي 120 جنيه

ياشيخة بلا هده وكلام فارغ سرحيه انتى ياروحي

ياراجل يامأياح مستخسر فيها ملاليم وعاوزها تبقى زي هيفاء وهبي

انت عارف هيفاء وهبي دي بيتصرف عليها كام عشان تطلع كده ..بتاع 35 عملية تجميع

طب ده حلال ولا حرام

الراجل ده مابصش لخلقته في المراية  وقال كلمة حق(والله كويس ان الست دي مستحمله اللي انا شايفه ده)

 ماشافش صلعته اللي بيزحلق عليها العيال في الشتا بعد ماالدنيا تمطر

ماشافش كرشه اللي مخبي ومحوش فيه  محشي وبط وفراخ و97 كيلو رز وتموين من 10 سنين فاتوا يفكوا ازمة الغلابة

الست وبتحمل وبطنها تكبر مع الحمل وده بياثر على شكلها وانت ياستاذ بطنك بتكبر ليه بالذمة ليك عذر

مش جايز مراتك قرفانة من سحنتك بس كاتمة في قلبها وبتسر

طب اتقي الله هيا واحدة زي هيفاء الفرعاء الجدعاء الفيحاء هاتبصلك على ايه حتى لو معاك فلوس

مش تحمد ربنا ان مراتك راضيه بيك تشوف سحنتك عالصبح وبالليل والضهر واناء الليل واطراف النهار

ومستحملة شخيرك اللي بيصحي الجيران اللي في الدور التاسع ويقوم الديوك من عششهم تدن نص الليل

فكرت انت مرة تحسن شكلك وتغير حياتك

فكرت تقوم من مكانك الي انت متبت فيه من 4 ساعات قدام التلفزيون تساعد الغلبانة اللي بتطبخ وتغسل وتنضف وتذاكر للعيال

وتدلع في سحنتك كمان ..قوم اتلحلح احرق شوية البلاوي اللي شايلها على قلبك

هوا انت ليك نفس.. والست مالهاش نفس تشوف حاجة عليها الطلا

مافكرتش مرة تروح للميكانيكي يظبطلك بلاويك ويعملك عمره ..الشكمان اللي مخروم في مناخيرك

الرفارف اللي ضربت لبره وكمان واحد اكبر من التاني

التانك بتاعك اللي معبيه دهن بدل البنزين

الإزاز القدامني المدغشش (عينك ياعني)اهو يركبلك مساحات

ولا تلبخ صلعتك دي لبخة زبل حمام جايز تزرع وتنبت من تاني كسبرة خضراء ولا بقدونس

يعني اتقي الله هوا الزمن ماشي عليها لوحدها ولا عليك انت كمان

يعني مافيش مراية تبص فيها ..

عايش في الماضي وفاكر نفسك حسونة فهمي...ياراجل انت بالكتير حسونة الفطاطري

بطلوا يارجالة تذلوا ستاتكم ....ده هما شايلين عنكم تعب كتير

انت بتشتغل وترجع من شغلك  تبقى عواطلي تلزق في الكنبة لما كرشك يدلدل وعيالك يتكعبلوا فيه وهما بيجروا ..

وتتأمر عليها وهيا برضه راجعة من الشغل زيك وتعبانة

ده حتى تلاقيها هيا اللي اشترت الحاجة من السوق

خلصت الغدا.. لسه كتير ..جعانيييييييييييييييييييين..ماتهز طولك قوم يامقطف

طب اعملي لنا كوبايةشااااااااااااااااااااي

يعني ماعندكش ذرة رحمة ...ده لو هارون الرشيد اللي هوا هااااااااااااااااااروووووووون الرشيد كان زمانه  قام عمل كوباية الشاي دي

ارحم الغلبانة دي شوية ..يتغدى ويقوم يشخر وهيا  تفضل صاحية تشطب مواعين وتذاكر للعيال وتحضر لسيادته هدومه وتكويها

الهي تتكوي يابعيد في نار جهنم يامفتري ياظالم

وعايزها تهتم بنفسها هيا لاقية وقت تغسل وشها حتى... انت مديها فرصة تشم نفسها

الست ربنا خلقها تتستت وتتدلع ..امال عاوزين تبقوا قوامون ازاي بس ؟؟؟ قوامون ببلاش ؟والله الست في مصر بتتحمل  بلاوي جوزها اللي

بيخليها تشيل حمل تقيل قد جبال الألب...مفكرتش في يوم الحساب هاتقول لربنا ايه؟

على العموم انا قلبي مع كل زوجة بتشتغل وتساعده كمان  في مصاريف البيت وقايمة بكل شغل البيت وبتذاكر لولادها وووووو   الخ

باحترمها ولا احترم جوزها اللي ربنا خلقه قوام عليها ..القوامة رجولة ومسئوليه وتحمل وخدمة من تقوم عليه وتلبية احتياجاته

وماحدش يقولي إن هيا اللي طالبت بالمساواة ...والله دول ضحايا ستات تانين مرفهات من مجتمع تاني هاي كلاس فاضيين قعدوا يطالبوا بالمساواة

لحد ماحملوا الستات الغلابة فوق طاقتهم وحطوهم في وضع لازم تشارك في مصاريف البيت عشان تعيش

وبعد كل ده عاوز يتجوز واحدة تانية اصغر واحلى وارفع ..والله الست لها حق في الساعه دي تدك جتته في سيخ محمي

على قنطار فحم ملتهب.. وتهوي بسرعة وتجيب الجيران معاها يهووا كمان ..وتعمل منه شيش بالوظ

الرحمة والعدل ..بلاش نكران جميل.. بلاش تجرح الست في انوثتها بمقارنتها بالعاهرات ولا انت ياخي عاوز واحدة دلوعة

تبسطك وتبسط الخلق كلها معاك زي اللي بنشوفهم دول

كل راجل بيقرا المدونة لازم تقدر مراتك صح ..وبطل تعيش في الاوهام بلا هيفاء وهبي بلا خيبة يعني انت كمان ياخويا

كنت مستر إيجيبت ..ولا حصلت مستر كاراتيه كمان..خليها في سرك بقا وخلي الطابق مستور



كل اللي فات ده للراجل الظالم لمراته وبيهنها ويجرحها من غير مايحس قد ايه كلماته تأذيها ..خلي بالكم ياقوم



واشكر كل اللي يحترم مراته وبيجبلها ولو منديل يؤية..ويقدرها ويحترمها ..


مرسلة بواسطة في ليست هناك تعليقات:

الاثنين، 9 مايو 2011

في دعوى قضائية.. محامي يزعم أن الرئيس مبارك مات منذ عام 2004


في دعوى قضائية.. محامي يزعم أن الرئيس مبارك مات منذ عام 2004








إذاعة حريتنا: هبه محسن
رفع محامي مصري دعوى قضائية ضد وزير العدل المستشار ممدوح مرعي بصفته وآخرين، متهمًا إياهم بتضليل الشعب المصري وإخفاء الحقيقة عنهم.
وفجر المحامي "حامد سيد مكي" مفاجئة مدوية، حينما أفصح في مذكرة الدعوى أن الحقيقة التي يخفيها وزير العدل ومن معه في الدعوى هي " موت الرئيس مبارك منذ عام 2004".
وفي مذكرة الدعوى التي -حصلت حريتنا علي نسخة منها- قال المحامي" إننا بصدد مواجهة خدعة محلية وعالمية كبري تكمن في خداعنا في استمرار حياة الرئيس مبارك، والذي فارق الحياة أثناء إجراءه لعملية إزالة سرطان بالأذن في ألمانيا يوم 16 يونيو عام 2004. على حد تعبير المحامي في الدعوى.
وأضاف المحامي أن الرئيس مبارك أجري هذه الجراحة في ألمانيا بشكل سري، وبعد وفاته أعلن الطبيب الذي أرج الجراحة أن مبارك توفي، ونقلت عنه هذا الخبر إذاعة مونتكارلو، وبعدها بدقائق إذاعته إذاعة إسرائيل، ثم إذاعة لندن، وبعدها التزمت جميع الإذاعات الصمت تجاه ها الخبر.
وتابع في المذكرة أنه بسبب هذه الوفاة المفاجئة وغير المتوقعة اتفقت السيدة سوزان مبارك قرينة الرئيس ونجليه علاء وجمال مبارك مع الدول ألمانيا إسرائيل وأمريكا علي إظهار بديل لمبارك، علي أن يحكم مصر قرينة الرئيس ونجليه من وراء الستار، مستشهدًا بواقعة "شجرة الدر" التي حكمت مصر وأخفت خبر وفاة زوجها عامين.
وأكد المحامي أن العملية الجراحية التي أجراها الرئيس مبارك في ألمانيا مؤخرًا كانت هي الأخرى "خدعة"، وقال " لماذا لا تذهب المستشارة الألمانية انجيلا ميركل لزيارة مبارك في المستشفي، لولا علمها بأنه البديل".
وبرر المحامي في الدعوى استمرار هذه الخدعة بأنه" من مصلحة الدول الغربية مع أمريكا وإسرائيل استقرار النظام المصري، بالإضافة إلي أن الخدعة إذا تم كشفها ربما يتم القبض علي قرينة الرئيس ونجليه".
وإليكم أجزاء من مذكرة الدعوى القضائية التي تقدم بها المحامي:-


مرسلة بواسطة في ليست هناك تعليقات:

سورية: الدبابات تدخل أحياء حمص وبلدة طفس

سورية: الدبابات تدخل أحياء حمص وبلدة طفس


2011/5/8 الساعة 15:08 بتوقيت مكّة المكرّمة




أفادت الأنباء الواردة من سورية بوقوع اشتباكات بين سكان مدينة حمص وقوات الأمن السورية فيما ذكر ناشطون سوريون أن دبابات الجيش اقتحمت أحياء بالمدينة التي شهدت احتجاجات مناوئة للرئيس السوري

بشار الأسد.


ونقلت وكالة الأنباء الفرنسية عن ناشطين قولهم إن قوات الجيش السوري دخلت ليل السبت وفجر الاحد إلى عدد من الاحياء مثل باب السباع وبابا عمرو في حمص بعد قطع الكهرباء والاتصالات الهاتفية.


وأضاف الناشطون أن نيران رشاشات ثقيلة سمعت في هذين الحيين.


وكان 16 متظاهرا قد قتلوا في حمص يوم الجمعة الماضي عندما فتحت قوات الامن النار على تظاهرة وصلت الى باب دريب في وسط المدينة وذلك وفقا لمنظمة "انسان" السورية للدفاع عن حقوق الانسان.




قال ناشطون حقوقيون لوكالتي رويترز والفرنسية للأنباء ان وحدات من الجيش السوري اقتحمت مدينة بانياس بالدبابات خلال الليل وقامت بمهاجمة مناطق تحدت حكم الرئيس بشار الاسد.




في غضون ذلك ذكرت قناة الاخبارية السورية أن حافلة كانت قادمة من لبنان ومتوجهة إلى أدلب شمال سورية تحمل على متنها عمالا من مدينة ادلب تعرضت لإطلاق نار من مجموعات مسلحة قرب حمص وسط البلاد.


وأوضحت القناة أن إطلاق النار أسفر عن مقتل عشرة من ركاب الحافلة وإصابة سبعة اخرين تم نقلهم إلى مستشفيات حمص.


كما أكد مصدر موثوق لبي بي سي ان وحدات من الجيش السوري اقتحمت صباح الاحد بلدة طفس في محافظة درعا من أربعة محاور حيث سمع اطلاق نار، ولم يبلغ حتى الآن عن وقوع اصابات.


وذكرت وكالة رويترز للأنباء نقلا عن شهود عيان أن ثمان دبابات على الأقل تابعة للجيش دخلت إلى البلدة التي يبلغ عدد سكانها 30 ألف شخص.


وأضاف شهود العيان أن قوات الأمن اقتحمت المنازل لاعتقال شبان من البلدة.


بانياس
وكانت السلطات السورية قد شنت يوم امس السبت حملة دهم واسعة في مدينة بانياس الساحلية بعد ان اقتحمت وحدات مدرعة تابعة للجيش السوري وقوات امنية المدينة ليل الجمعة وفجر السبت، واسفرت حسب ناشطين في مجال حقوق الانسان عن مقتل 6 اشخاص بينهم اربع نساء في المدينة وضواحيها.


ونقل احد سكان مدينة بانياس الساحلية السورية لبي بي سي ان الجيش وقوات الامن سيطرت في المراحل الاولى من العملية العسكرية على القرى المحيطة بمدينة بانياس وهي (المرقب والبيضة والبساتين) تحرك بعدها الجيش فانتشر في احياء بانياس وخاصة حي رأس النبع وسط اطلاق نار كثيف.




قوات الجيش والامن السورية انتشرت في المدن الرئيسية


ونقلت وكالة الأنباء السورية الرسمية عن مصدر عسكري قوله إن وحدات الجيش والقوى الأمنية تابعت ملاحقة من وصفتهم بالمجموعات الإرهابية في بانياس وريف درعا بهدف إعادة الأمن والاستقرار وتمكنت من إلقاء القبض على عدد من المطلوبين والإستيلاء على كمية من الأسلحة والذخائر التي استخدمتها تلك المجموعات للاعتداء على الجيش والمواطنين وترويع الأهالي.


وذكر شاهد عيان أن جنود الجيش السوري شرعوا في عمليات تمشيط واسعة للمدينة الواقعة على ساحل البحر المتوسط وفتشوا المنازل واحد بعد الآخر في عدد من المناطق السنية وقاموا باعتقال الكثيرين وخاصة في منطقة المرقب الواقعة على بعد نحو ميل من الجنوب الشرقي من بانياس ، وكذلك في قريتي البيدا والبساتين في الجنوب.


وأضاف الشاهد أن الجيش يحتل تل قلعة المرقب الأثرية المطلة على بانياس، وأن بانياس محاصرة الآن ومغلقة بحيث لا يمكن لأحد الخروج منها او الدخول إليها.


وقال إن عددا من القوارب الحربية شوهدت أمام سواحل بانياس التي سيطر الخوف على سكانها ، ويبدو أنهم كانوا يتوقعون الإقتحام من قبل لإن عددا كبيرا من القاطنين فيها قد غادروها وخاصة الأطفال والنساء.




مرسلة بواسطة في ليست هناك تعليقات:

الأحد، 8 مايو 2011

أمل حجازي

 (من مواليد 20 فبراير 1977)، هي مغنية وعارضة أزياء لبنانية ولدت في بيروت، لاسرة من بلدة كفر فيلا، في جنوب لبنان، لها 5 أخوة إبراهيم، يوسف، مصطفى، أحمد ومحمود. أطلقت أول ألبوماتها "آخر غرام" سنة 2001. سنة 2002 أطلقت ألبومها الثاني "زمان" الذي لاقى نجاحا جماهريا والذي إحتوى أغنية "عينك عينك" التي غنتها مع المغني الجزائري فضيل. سنة 2004 أطلقت ألبومها الثالث "بتدور على قلبي" والذي إحتوى على 11 أغنية. آخر ألبوماتها هو "بياع الورد" الذي يحتوي على 10 أغاني.
[1]
تعمل منذ 2003 كسفيرة لشركة باناسونيك في منطقة الشرق الأوسط [2].
مرسلة بواسطة في ليست هناك تعليقات:

هوبّا واحدة منى بمرتباتكم كلّكم!!!



غادة عبود

هوبّا واحدة منى بمرتباتكم كلّكم!!!

الإثنين، 18 أبريل 2011 - 19:22


بخصوص الإخوة والأخوات اللى كانوا محموقين، وأخذتهم الحمية قوى عشان نموذج البرنامج الرئاسى لم يأتى على ذكر التعليم، فى حين أعطى أولوية للنهوض بالسياحة، أحب أحكيلكم حكاية:

يحكى فيما يحكى من أساطير المدينة.. أن فنانة معروفة جدّا، دلفت إلى أحد البنوك لتخليص بعض المسائل البنكية. فأعطاها الموظف بعض الأوراق لتقرأها و تمضيها. و لمّا كانت الفنانة محدودة التعليم جدّا برضه، فقد ارتبكت و جعلت تقلّب فى الأوراق بصورة فاضحة أنها لا تستطيع قراءة حرف من الأوراق التى يجب إمضاءها. و حين انتبه الموظفين و الموظفات، أصحاب الياقات البيضاء، الحاصلين على شهادات عليا إلى ارتباك الفنانة، تهامسوا فيما بينهم و تضاحكوا فى شماتة منها و تشفّى و حقد بيّن ينضح بالقول " بقى كل الفلوس دى و ما بتعرفش تقرا؟!" انتبهت الفنانة إلى همزات و لمزات الموظفين، وخاصةً الموظفات المنفسنات اللائى تعمّدن إسماعها ضحكات كيدهن، ولأنها ست مجدع ورجولة، انتفضت من كرسيها و وقفت فى وسط البنك ورقعت بعلو صوتها "جرى إيه يا وليّة منّك ليها!!!!! ده انا هوبّا واحدة منّى بمرتباتكم كلّكم!!!!!!!!" فانخرس جميع موظفى البنك و دفسوا رؤوسهم بين الأوراق بعد أن واجهتهم الفنانة الجدعة بالحقيقة التى حاولوا نسيانها لثوانٍ، أدت بهم لإحراج مدقع. صح لسانك يا ست!!!!.

الهدف من الحكاية: تعليم إيه اللى انتوا جايين تقولوا عليه؟ مش لمّا قبلة التعليم يجد له سوق توظيفيّة تكرّم العلم و التعليم؟ يعنى الواحد بيقضى 22 سنة من حياته بيجاهد عشان ينجح. يحارب عشان يدخل أحسن جامعة. يعافر عشان يتخرّج، وآخرتها إيه؟ الواحد بياخدها كعب داير من أقصاها لدانيها مارّاً بمصر إلى دبي، على السعودية، و منها إلى بيروت عشان يلاقى وظيفة تحترم و تقبل هذه الشهادة، ولا حياة لمن تنادى، هذا غير غطرسة من يقابلك للعمل، وأسلوبهم المستهتر منك كطالب عمل. لغاية ما تحس أنك شحّات بس بشياكة، شحّات بس بشهادة.

إلا بقى لو عندك واسطة، ولا أبوك صاحب شركة، أو أهلك عندهم فلوس يفتحولك بيه مشروع تسترزق منّه. ساعتها فأنت إنسان محظوظ. لكن معظم الناس لا يتمتّعوا بهذه الإمكانيات. صحيح لديهم التعليم والطموح الذى تنامى و تشابك طوال سنين التعليم، و لكن السوق التوظيفيّة من حيث منح الوظيفة و الإرتقاء فى السلّم الوظيفى تعير اهتماماً بالواسطة للحصول على مقابلة عمل منصفة، وعلى الفهلوة والحداقة للارتقاء فى السلّم الوظيفى.

أنا سوداوية؟ لأ.. لو سمحت إسأل مديرك اللى كان زميلك اترقّى إزاي؟ و اسأله كمان جاتله الوظيفة إزاي؟ انا كنت زيّك بصدق لمّا يقولولى "أنا قدّمت عادى و اتقبلت!!!" بس الحقيقة غالبأّ بتكون إن ابن عم بنت رئيس الشركة يبقى جوز خالته بالوراثة!!. و المثير للغيظ إنه ممكن ما تكون شهادته أقل من شهادتك، بس فرصته أحسن عشان سوق العمل تبجّل الفهلوة و الخطوة المرحة على حساب التعليم و الشهادة. و هذا الحال حال كثير من الشركات فى كل العالم العربي، و ليس مصر فقط. فالقطاع الخاص فى السعودية يحتاج إعادة هيكلة قانونية لحفظ كرامة الموظف. إذ من الوارد جداً أن تذهب للعمل لتجد نفسك مرفود، لأن موود رجل الأعمال، صاحب الشركة كان سيّء، فاحتاج يفصل 3 إلى 10 موظفين، بس عشان مزاجه يتعدّل!!!. و آخر هذه الوقائع كان ما حدث مع موظفى إحدى شركات الجوال. الذى تم رفد عدد من موظفيها دون أسباب. إن شاالله اللى أخذ القرار ربى لا يوفقه "قطع الرقاب ولا قطع الأرزاق" يا سيادة المسؤول الغير مسئول!!!!

تعليم إيه؟ تسمحو تقولولى اللى متخرجين من جامعات العلوم زى الكيمياء والفيزياء ممكن يشتغلوا فى سوق عمل تعتمد على خدمة الإستهلاك وليس الإنتاج إزاى؟ أكيد كلّنا عارفين اللى حصل مع د. زويل. بس أحب أقولكم إن بلد زى مصر و بلد زى السعودية فيها ناس ممكن يكونوا "زويل القادم" بنفس حب العلم والتفانى فى تطويره، بس فى كتير جداً لم يقبل طلب بعثتهم إلى الخارج، ومع ضمور أى ضمان معيشى للعلم فى البلاد العربيّة، هتلاقى خرّيجين فيزياء بيلزّقوا ستيكر الأسعار فى السوبر ماركت، عارفين كم الهزيمة والإحباط بعد تجربة زى دى ممكن تبقى عاملة إزاى؟.

تعليم؟ والنبى قوللى أهلك صرفوا كم على تعليمك؟ كتير صح؟ مدارس وجامعات خاصة، قال وكانوا فاكرين إنّهم كدة بيتصرّفوا صح! كان المفروض يوفروا الفلوس ويعلّموك إزاى تنط من واسطة لواسطة، إزاى تتلوّن وتتقافز على من حولك، بتحس بإيه لمّا بتشوف خيبة الأمل فى عيون أهلك؟ بعد ما فشلت إنك حتى تعوضهم عن مصاريف فصل دراسى فى مدرسة الابتدائى، إبقى قولّهم أن الثقافة التوظيفيّة لا تحترم التعليم، دى مش غلطتك لوحدك، دى غلطة مجتمع يستنزف أموال أهلك فى التعليم، ويكسر ظهرك بكتبه الثقيلة. ثم يرفض أن يكافئك على تعليمك.

إننا نعيش فى مجتمعات مصابة بانفصام شخصية أهوج. مجتمعات ترمى الأموال تحت أقدام الراقصات ليلاً بينما تحتقر الراقصة كما تحتقر الرقص أصلاً ولا تعتبره فنا، وصباحاً تحتقر من يطلب وظيفة – إلا من رحم ربي- لأن أصحاب الأموال يرفضوا دفع أى قرش زيادة مدام فى حمير بتشتغل أكتر من اللازم و بترضى بالفتافيت.

ممكن أقولكم حقيقة مجرّدة قدامنا 200 سنة عشان نفهمها: المجتمع الذى يحترم العلم، هو نفسه المجتمع الذى يحترم الراقصة.

قال وعايزين تعليم.. طب مفيش تعليم بقى لغاية ما يتم تصليح البيئة الوظيفية.. دى هوبّا واحدة منها بمرتباتكم كلّكم!!!!!!


مرسلة بواسطة في ليست هناك تعليقات:

الخميس، 5 مايو 2011

غادة عبود تكتب فى عيد الحب: أنا خلاص زهقت من البوس..





شارك



مواضيع ذات صلة
الحلقة الأخيرة في سلسلة حوارات عادل إمام من الصبا في »الحلمية« إلي المجد في »المنصورية«
أنا باشتغل وماليش دعوة بحد وعمري ما حسدت حد
مناوشات قراء اليوم السابع مع مصطفى شعبان.. هدى سألته: أنت ليه مغرور؟ فأجاب: أنا غلبان.. وnona قالت له: هل أنت من أنصار الزواج ولا مقضيها؟ فقال: أنا من أنصاره جداً
مفيش نجاح مضمون
ماذا يدور في عقل زعيم الفنانين؟!
عادل إمام وكلام في السياسة .. عن الفقراء والحكومة والأحزاب والرئيس
هدى سألته: إنت ليه مغرور؟ فأجاب: أنا غلبان.. «ونونا» قالت له: هل أنت من أنصار الزواج؟ فقال: أنا من أنصاره جدا.. وجورج هتف له: مصطفى يا مصطفى أنا بحبك يا مصطفى

غادة عبود تكتب فى عيد الحب: أنا خلاص زهقت من البوس.. نصائح للبنات المصريات فى عيد الحب.. الورد أكبر مؤشر خطر .. احذرى تتكلمى من قلبك.. اعرفى إنو الرادار بتاعه هيلقط ضعفك
اليوم السابع
اليوم السابع : 13 - 02 - 2010

فاكرين المشهد من فيلم ½ ساعة جواز لما الزعيم عادل إمام كان دوره ممثل ناشئ فيروح التصوير يتضرب ويتضرب.. يحاول يقول للمخرج كفاية ضرب أنا عايز أبوس زى يوسف شعبان، يروح المخرج مزعقله: أ. يوسف شعبان يبوس، انت تتضرب بس.. فى نفس الوقت، كان مفهم ماجدة الخطيب إنو نجم كبير، فتسأله: هه عملت إيه فى التصوير؟ يرد: بوس.. بوس..بوس... أنا خلاص زهقت من البوس!!!! خليكم فاكرين المشهد ده مع ماجدة الخطيب حنرجعله بعدين.
بمناسبة يوم الحب، أحب أهدى المقال ده لجميع القارئات المستوحى من باكورة قصص وتجارب سكن طالبات الجامعة الأمريكية فى اليوم ده على مدار 6 سنين متواصلة:
1- أول حاجة لازم ضبط النفس.. يعنى مش عايزين خناقات مهما اللى قدامك حاول يستفزك: اعرفى إنه ممكن بيكون بيحاول يتهرب من إنو يحتفل باليوم ده. خليكى أذكى منه. اليوم ده أهم يوم فى السنة.
2- مش مهم هيوديكى فين، المهم هيعاملك إزاي. ركزى معاه وانت قاعدة معاه هل بيبصلك فى عينيكى ولا بيبص فى كل حتة إلا عينيكى. والله لو وداكى فين وجابلك إيه، ومحسسكيش إن العالم بيدور حواليكى من خلال أفعال على أرض الواقع، اعرفى إنو مش صادق وإنك حاجة بيتسلى بيها.
الورد أكبر مؤشر خطر
3- مؤشر كبير جدا على نيته من ناحيتك هو الهدية اللى هيجيبها.. الورد أكبر مؤشر خطر.. لأ كفاية بقى تضحكوا على نفسكوا.. لما حد يجيبلك ورد يعنى ده إنسان ما أخدش من وقته 3 ثوانى عشان يعرف انت كشخص بتحبى إيه.. لم يلاحظ جوانب شخصيتك، الأشياء البسيطة اللى تسعدك، فاستسهل وجاب لك أكثر شىء تقليدى فى التاريخ.. بعدين خللى بالك من حاجة الورد أكثر مدة يعيش فيها إيه 4 أيام؟ أسبوع؟ ساعات الواحد بيتصرف من اللاوعى.. هو المفروض تفهمى إيه لما حد يجيبلك حاجة آخرها أسبوع؟
4- الراجل بيحب البنت اللى تمثل عليه.. مهما أقنعك بخطبه عن الصدق والأمانة والتفتح والاطلاع.. اعرفى انو دى حركات علشان يجرجرك فى الكلام.. بس لازم تصرفاتك تثبتله إنو "نابه طلع على شونه". فمثلا: لو بتشربى سجاير امسكى نفسك ساعتين قبل ما تخرجى معاه عشان ريحة السجاير تروح من عليكى.. ولو انت قاعدة معاه هو دخن، كحى جامد وقال يعنى إنت حتى ما تعرفيش ده اسمه إيه.
5- اعرفى إن الشخص اللى قدامك بيفكر فيكى جد وبيحترمك فعلا لما يطلب إنو يشوفك بدرى.. فالمفضل دائما إنو يوم الفالنتاين معادكم يكون غدا أو بعد المغرب، آخر معاد تكونى فيه فى بيتك لازم آخره الساعة 9 ومهما كنت مستقتلة وهتموتى تسرقى معاه من الزمن وقت أطول "لأنه فى الأول والآخر كل شىء نصيب من ربنا" برضه وتحت أى ظروف لازم يعرف ويتأكد إن مع كل حبك وحنانك انت برضه عسكرى مع نفسك.. فى النص برضه ما يضرش تحبشى الموضوع وتبدأى تتنشنجى من أول الساعة 8:05 عشان تبقى فى البيت 9 عشان تسبكى الدور.
6- لو سألك إنت كان ليكى علاقات قبل كدة؟ اعتبرى السؤال ده طعنة فى كرامتك (وحتة فاتن حمامة كدة) وفهميه إنو كتير بيجولك فى الصالون، بس انت ما حدش منهم كان يستاهلك.
7- دايما حسسيه فى كلامك معاه إن حياتك مليانة من غيره. وقتك مشغول فى أولوياتك إنتى. ومن غير ما تقوليله وبأسلوب شيك خليه يحس إنو لو مشى من حياتك الساعة 4، الساعة 4:05 فى كثير أحلى منه وأغنى منه يتمنوا الرضا. هعيد تانى بأسلوب شيك ومؤدب مش ببجاحة. بس فى نفس الوقت اعرفى هو بيحب إيه؟ وإيه اللى بيسعده؟ واعمليه بس على أوقات متفرقة وبنسبة معقولة.
حذارى تتكلمى من قلبك، اعرفى إنو الرادار بتاعه هيلقط ضعفك.
8- وحذارى من إنك تفتحيلوا قلبك. كل ما تيجى تتكلمى من قلبك، اعرفى إنو الرادار بتاعه هيلقط ضعفك ورخصك تتسحب. أيوة.. معلش الحقيقة دايما قبيحة.
9- كنت الأول بينى وبين نفسى لا أحترم أبدا البنت اللى تقيم الشاب أو الرجل من خلال سيارته ورصيده فى البنك وثمن الفيلا اللى فى الساحل (كنت مسمياهم البنات البلاستيك). بس اتضحلى من خلال حكايات كثير إنو الصنف المادى من البنات هما دول اللى بيلاقوا الحب والاحترام والتقدير (أفكركم تانى نقطة اللاوعى عند الرجل مهمة جدا) وللأسف كل بنت حبت واحد لشخصه مش لإمكانياته كان يختفى من غير سابق إنذار وفجأة نلاقى صور فرحه فى المجلة أو لأسباب غير منطقية أو غير مفهومة يتفنن فى تفتيت قلبها وكرامتها وينكر فى كفر عتيد أى حاجة حلوة هى قدمتهاله. اتعلمى تبقى بلاستيك. للأسف يا كوكب الشرق "قلت الحب نعمة، مش خطية" بقولك دلوقتى " الحب صفقة، مش متأكدة من موضوع الخطية."
10- طبعا عبارة نبيلة عبيد المشهورة " فى الحلال يا معلم" مفيش داعى نأكّد عليها، اللى بيحبك ويحترمك بجد هيحافظ عليكى مش يستغلك.
مع إنى اتخرجت من الجامعة وسبت سكن الطالبات من زمان، ولكن يوم 14 فبراير كان دايما فى سكن الطالبات ليه مهابة كدة غريبة صعب توصف. النقاط المذكورة أعلاه كلها خلاصة تجارب بنات من جميع دول العالم كانوا فى اليوم ده، بعد يخرجوا مع الشباب اللى بيحبوهم، ويروحوا أحسن مطاعم، ويفرحوا بالهدايا، كانو كلهم على مدار 6 سنين يتجمعوا فى غرفتي، ما عرفش بصراحة إيه اللى كان بيخلّيهم متأكدين إنى قاعدة فى الأوضة يعنى ومش فى موعد غرامى زيى زيهم!! المهم ، وكانت كل واحدة تحكى قدام البنات خرجت فين وانبسطت إزاى، قد إيه اليوم ده أحلى يوم فى حياتها، بس فى نفس الوقت إيه العبرة اللى استفادت منها عشان يبقى من حقها موعد غرامى فى الفالنتاين. وبعد ما كلهم يخلصوا حكاياتهم، فى نفس واحد يلتفتوا ويسألونى فى استغراب " إيه ده يا غادة؟! أمال إنت عملت إيه؟" أبهت من السؤال.. أتنح شوية... مش عارفة ليه أفتكر عادل إمام وأقول نفس الجملة اللى قالها لماجدة الخطيب، وبضحكة كدابة أرد بصوت عالى " بوس.. بوس.. بوس...أنا خلاص زهقت من البوس!!!" يضحكوا كلهم. وآخر واحدة تقفل عليا باب الأوضة. أشد اللحاف وقبل ما انام أقول لنفسي:" إنشاء الله، السنة الجاية." كل سنة وانتم طيبين. ولو مش طيبين يبقى انشاء الله السنة الجاية"
مرسلة بواسطة في ليست هناك تعليقات:

الأربعاء، 4 مايو 2011

تبيعى المنتخب بكام يامصر؟

تبيعى المنتخب بكام يامصر؟



غادة عبود
* إعلامية سعودية

بعد 80 مليون مبروك للشعب المصرى بفوزه عندى سؤال: ياأهل مصر، تبيعوا منتخبكم بكام؟ ولا بمليارات الدنيا طبعا. عارفة من قبل ما أسأل.

من أول بداية كأس الأمم الأفريقية و حالة الإيمان المطلق و اليقين الثابت و أمواج النشوة المهيبة التيى تمد يدها إليك و إن استحييت تظل تطلق الدعوات لك حتى تجد نفسك تصيح بكل وجدانك تقول (بحبك يا مصر) ثم يأخذك حماس من طاقة حب أكبر تهز كيانك أكثر حتى وجدت نفسى أصرخ فى الشارع مع الشباب
والأطفال و الشابات المحجبات منهم و" المُتشقرات" مصر.. مصر...مصر! يصرخ بها الناس بذات اليقين بأنها أول معنى للوجود و منتهى الرغبة لتحقيق الذات، كلمة واحدة فقط "مصر"

بس بعدين لما رجعت البيت وتوارى صوت الأبواق
والصرخات عن شرفة الدور 14 و لم يبق إلا مشهد النيل المهيب.. غصبن عنى صوت من جوايا فكّرنى: بس يا غادة إنت مش من مصر، إنت من السعودية، صحيح الفرحة واحدة، بس ليه ماعندناش فى السعودية حسن شحاتة؟

هل لأنه مفيش حد بيحب السعودية زى ماحسن شحاتة بيحب بلده؟ حيطلع ألف صوت يقولى تبت يداك، من أنت لتشككى فى حب وولاء أهل السعودية فى بلدهم.
ولكنى سأعود لأسأل أين أنتم يا شعب السعودية من بلدكم؟ ماذا قدمتم لهذه البلد؟ ليس لدى أدنى مشكلة مع الحكومة السعودية فلها بقيادة سيدى خادم الحرمين الشريفين الملك عبدالله بن عبد العزيز كل العرفان.
ولكن يا سيدى خادم الحرمين قد أرسلت 20 ألف طالب إلى أحسن الجامعات حول العالم تتكبد فيه الدولة كل الإمكانيات لتسهيل مهمتهم فى التعليم، ولكن رجال الأعمال السعوديين سيكونوا أول من يتنكر لشباب هذه البلد ليقولوا لهم كما قالوا لى فى جميع لقاءاتى الصحفية معهم"أنا ماأشغل سعوديين، أنا صاحب شركة و لست مؤسسة ضمان اجتماعى" هكذا بكل هدوء بل عفوا تبجح، هل يحب رجال الأعمال السعوديين بلدهم فعلا نصف مايحبها حسن شحاتة؟ و لكن قبل الحب كان الإيمان، حسن شحاتة آمن بشباب مصر وبذل من مجهود عصبى وعاطفى ووجدانى حتى يقوم بهم ليحصد الإنتصارات فيرفع رأس هذه البلد، ماذا بذلتم أنتم يا رجال الأعمال للشباب السعودى؟ طبعا مافى وقت، علشان جمع الملايين يحتاج كل وقتكم.

إن الفرحة المصرية رغم كل ما تمر به هذه البلد العظيم من ظروف أطمعتنى بفرحة سعودية وأطمعتنى أن أرى أحدا من الشعب السعودى لديه الإيمان الكافى حتى يدفع مجموعة من أهل بلده نحو ربع الفخر و العزة التى دفع بها منتخب كرة قدم بلاده لها.

نعم لدى مشكلة كبيرة مع الشعب السعودى وأنا فرد منه لأننا نتفوه بأننا نؤمن ببلادنا دون أدنى استعداد لتحريك أيدينا لندفع بلادنا للأمام فقط نقف فى دور المشاهد
وننتظر و نتكئ على الحائط حتى يتصرف أحد آخر
وكله يقول"مالى شغل الحكومة تتصرف" حسن شحاتة لم ينتظر من أحد التصرف، هو اتصرف، وضع نفسه أمام المدفع وخاطر وآمن و قال البلد دى فيها رجالة
واتصرف، من فى السعودية يصلح بأن يكون حسن شحاتة؟ إنى لاأتحدث عن مدرب، بل أتحدث عن مواطن يؤمن ببلده، هل هناك من حسن شحاتة فى أى مجال، فى الرياضة ،التجارة، أو الصناعة، أو التعليم، أو العلم، أو حتى الإعلام؟ انتظروا لأجمع ذاكرتى.......عفوا لا يوجد.

حتى فى المجال الإعلامى و لايخفى أن معظم القنوات الفضائية هى ملك رجال أعمال سعوديين ورغم ظهور هذه القنوات منذ ما يقرب من الـ 15 عاما فأنا إلى الآن لا أستطيع أن أقول بأن لدينا إعلاميين سعوديين فالإخوة مالكى القنوات الفضائية قد كرسوا شاشاتهم لبناء وتلميع وتمجيد كوادر إعلامية لبنانية و لبنانية فقط.

فى السنوات الأخيرة كثر ترديد عبارة "ارفع راسك، انت سعودى" وكنت أرفع رأسى كما تقول العبارة و لكنى بعدما رأيت وعشت تجربة حسن شحاتة سأرفع رأسى لأبحث وسط الزحام لربما وجدت شبيها لحسن شحاتة أو جدو أو زيدان (لن أبحث عن شبيه أحمد حسن لأنى لو وجدته بكل صراحة سأتزوجه فورا!!) لأضع يدى فى يده لربما نستطيع أن نفعل للسعودية ما فعله حسن شحاتة وفريقه لمصر.
نعم أحب مصر كثيرا ولكنى أغير من حبى لها على حبى لبلدى السعودية.
هل من 12 فردا سعوديا على استعداد للإصابة وتحمل الضربات والأحقاد ومواجهتها بالإيمان والإصرار لإحياء حالة من الفرحة والفخر الحقيقى على أسس إنجازيه ملموسة؟ أتمنى أن أصادفهم فنفعل شيئا من أجل بلادى، ولا أتحدث هنا عن الأعمال الخيرية، كفانا.
لا يريد الشعب السعودى تبرعات إنما مشروع مبادرة شعبية لمسيرة وطنية هادفة.

عفوا رجال الأعمال السعوديين لن تستطيعوا شراء المنتخب المصرى بملياراتكم، أعرف جيدا كيف تفكرون. ولكن صفقتكم لن تتم، عليكم هذه المرة أن تصنعوا الصفقة لا أن تشتروها، فقد كان الفريق المصرى على استعداد لبذل حياته ليفرح الـ 80 مليون مصرى
ويفخر بأن فى بلاده رجالا تؤمن بأن مصر هى الأبقى. فلتبحثوا فى شوارع الرياض وجدة والشرقية عن فريق يمثلكم ويرفع أعلامنا أمام العالم.
ما عشته لم يكن دورة كأس أمم أفريقية و لكنه درس فى الوطنية والإنتماء.

مرسلة بواسطة في ليست هناك تعليقات:
الاشتراك في: الرسائل (Atom)